تغير الأيام في الرجل واجد

قصيدة الشاعر
محمد ابن منيف ابن ثايب الشهراني


تغـيـر الايــام فــي الـرجــل واجـــد
الاتـقـالـيــد الاصــيـــل وعـــوايـــده
فحقك علي ياراس ما ارخيك للدنـا
ولا اهدم العـز الـذي كنـت شايـده
ادور النـامـوس واسـلـك مسالـكـه
واصبـر علـى ناقـص زمانـي وزايـده
لاشفـت غيـري بـدل الهـدر بالرغـا
هـدرت بالحملـه ولــو كــان كـايـده
فيامن حملتـه مابعـد خـط شاربـي
ولليـوم والمشعـوب تومـي قلايـده
اسوقه سوقه وابتلش في بلايشه
وانشب معه والناس غيري محايده
هـو الـذي مـع كـل صبـح يكيـدنـي
وانا الذي ما امسيـت ليـل مكايـده
يجمع لي الاسباب يبغي يصيدنـي
فادراه لااصيده وانـا اعـرف مصايـده
ويــزرع لــي الـبـارود قــدام بـابــي
فازرع له الريحان في عـرض قايـده
ان كـان ربـي خالقـه لـي خسـاره
فاقـول يــا الله مالخـسـاره بفـايـده

صح لسانك ولسان الشاعر ..
لا عدمناااك يالغالي ..
تقبل تحيااتي ..

الله يبارك فيك أخوي ابو عامر
تحياتي تقبل مروري

صح الله لسانك الشاعر ابن ثايب

وبيض الله وجهك يابن ناير على هذا الطرح الرائع
تقبل مروري ولك ودي وتقديري

وجهك ابيض أخوي ابن طلق وارفع لك أكمل تحياتي
تقبل مروووووري وشكري وتقدير لك

بيض الله وجهك يابن سياف
واشكرك على النقل الرائع
وصح لسان الشاعر ابن ثايب
تقبل مروري

وجهك ابيض أخوي سيف بني منبه
على مرورك العذب لك مني
جزيل الشكر والامتنان
تحيااااتي