ردود الشاعر محمد ناصر بن هندي على قصيدة الشاعر/محمد بن ناصر بن مريح الدعرمي

ردود الشاعر محمد بن ناصر بن هندي على قصيدة الشاعر/محمد بن ناصر بن مريح اللي يقول فيها

(ينصى هل الجدعاء حمى الغرس والدار)



يالله ياعالم خفى غيب الاسرار
يافارج الكربه وياخير هادي

يالله في نو حنينه ليا سار
يشبه حنين معقلات الايادي

خمسة عشر ليل على القاع سبار
فرع الجبل سيله مع كل وادي

يملى السدود وتمتلي منه الابار
خيراته تعم الحضر والبوادي

واللي يبي علم الحياء ياخذ اخبار
في نشرة الموجز تذيع الروادي

وخلاف ذا باقول وادير الافكار
في حشمة اللي بالطواريق بادي

رجل وله حكمه وشاعر وبيطار
ارسل بيوت الكل فيها اشادي

من فوق من يشرى بباهضة الاسعار
ماشيف واقف في حراج المزادي

فيا مرحبا مادارت الفلك واندار
فصول وقت كل عام جدادي

وماحالو اهل العيس من دار لا دار
يبغون عشب عقب الامطار زادي

بكتاب من له مع هل الطيب مشوار
ومعرفته فالجيب شيك اقتصادي

وربعه هل الطالات فالطيب تجار
والله ونعم ياعميل السدادي

هل موقف سر الخواطر والانظار
لا جاء الطلب تروي السيوف الحدادي

يامن بهم نشر وطى كل مخضار
في خايع به ريح فل وزبادي

واخص من وصله لزومي ولابار
قضى اللزوم وجاد بالفعل جادي

والدعرمي فالقاف ماهوب يحتار
يمدح شيوخ يتعبون الجيادي

عدوهم تسقيه من كاس الامرار
اخذ الصحيح وكب هرج الدوادي

ابن عمير اميرنا سيف بتار
شيخ على العليا حريص مفادي

شيخة شمل قيفه على كل الاقطار
له فالصداره مجلساً احتيادي

جده وابوه متعبت قب الامهار
من قبل دور مفرج والمهادي

وربعي لهم بطيب مارد ومصدار
من سمع عزوتهم يجيه ارتعادي

حنا هل الجدعاء صلبين الاشوار
امجادنا قصراً رفيع العمادي

عدونا من ضيمنا عظمه كسار
لاجاء نهار فيه نقل العتادي

واليوم حكم ملوك واسياد وكبار
بالشرع في كل الدير الامن سادي

ال سعود مطوعة كل جبار
يطيع ويخلي دروب العنادي

وختامها صلو على سيد الابرار
نبينا نور الهدى والرشادي

صح السانك يا ابن هندي وبيض الله وجهك
والشكر لك يا ابن طلق على نقلك الطيب
تقبل ودي واحترامي

صح الله لسان الشاعرين
ابدعوا


شكرا لكم