وقف .. بحاكيك

الشاعر : محمد بن فطيس المري


ياللـي دخلـت السـووق وقـف بحاكيـك
وش ذا العيـون اللـي تسـوي سـوايـا..
كـهـربـتـنــي بـالـعــيــن الله يــجــازيــك
نظـرات شـلـت فــي ضمـيـري خـلايـا..
لــولا فـيــوزٍ وســـط قـلـبـي تومـاتـيـك
مـاكــان عـيّــن مـــن فـــؤادي بـقـايــا..
يفصـل إلـى مـن شـاف هـذي وهاذيـك
صــادف مـواقـف مــن بـنــات الـقـرايـا..
قـالــت تـحـمـد يـــوم ربــــي مـنـجـيـك
ولا تـوقــف فــــي طــريــق الـصـبـايـا..
قـلــت الـصـبـايـا والـمـزايـيـن تـفـديــك
ماشفـت عيـنـك فــي جمـيـع البـرايـا..
قالـت هـذي عينـي عسـى الله يقويـك
وشلـون لــو بتـشـوف بـاقـي المـزايـا..
لـكـن مـادامـك مـمـن القـلـب بسـويـك
رح فـــي طـريـقـك والـنـوايـا مـطـايــا..
والا تــــرى بـتـعـبـك وأعــلــن تـحـديــك
وأشـــوف قـلـبــك بيـتـحـمـل حــلايــا..
قلت أسمعي:وأن فزت..قالت: بكافيك
عـلـى حسـابـي مــن مـحـل الـهـدايـا..
بـس أنتـظـر لحـظـه بسيـطـه وأرويــك
ثـــم أظـهــرت ثــغــرٍ زهــتــه الـثـنـايـا..
قـلــت أنـتـبـه يـاقـلـب مـنـهـا تـوطـيــك
وأسمـع صـداه يصيـح خـلـف الحنـايـا..
ثـــم أنـفـجـر جـــد الـفـيـوز التـومـاتـيـك
وأقـفـت وأنــا أجـمـع بقـايـا الشظـايـا..



للشاعر : محمد بن حمد بن فطيس المري

صح لسانك يا ابو محمد
ولسان الشاعر ابن فطيس
اشكر على النقل الرائع
لاهنت الله يعطيك العافيه
تحياتي واحترامي

صح الله لسانك ولسان ابن فطيس على الأبيات الرائعه تحياتي وتقديري لك

رووووعهـ
يعطيكـ الــف عاافيهـ
ع الطرح الجميييييل..

الله عليك يابو محمد

اختيار رائع وموفق

تحياتي يالغالي

نقل رائع وموفق اخوي

صقر بني منبه - ناصر - قطرة ندى - ابو مهنـــــد - شمعة الجلاس
سعدت بمروركم و ردودكم العذبة
تحياتي لكم

الله عليك ابو محمد

بسم الله على هذه الذائقه الجميله

طرح في غاية الجمال والروعه

تحياتي وتقديري لشخصك

ابو طلال
اسعدني مرورك وردك
تقبل تحياتي

صح لسان
شاعرهاا وسلمت يداك على طرحك الراقي
ماننحرم من جديدك