التــواصل .. ظافر بن وهيب

بسم الله الرحمن الرحيم

الحمد لله رب العالمين والصلاة والسلام على أشرف الأنبياء وأصدق المرسلين

سيدنا ونبينا محمد وعلى آله وصحابته أتم الصلاة وأفضل التسليم أما بعد :

الإخوة الأعزاء إداريين ومشرفين وأعضاء هذا الصرح الشامخ

وفقكم الله وسدد على طريق الخير خطاكم جميعاً

هذه القصيدة لها مناسبة خاصة كتبت في آخر شهر ذي الحجة من العام 1432هـ

وتعبر عن نفسها .. آمل أن تنال إعجاب وإستحسان الجميع

وهي بعنوان :

التواصل

يا الله ياللي بعلمك محصي للنّجوم = وما في السماوات تعلم به وما في الثرى
إجعل لنا ضمن فعل الخير جزل القسوم = وأوثق علاقاتنا بك يا وثيق العرى
عن حال الأصحاب نسأل ونتحرّى العلوم = وعن حالنا ما حدٍ يسأل ولا أحدٍ درى
والحال طول الدهر لا يمكن إنه يدوم = أهل الفقر في غِنا وأهل الغناة إفقرى
وكم من غنيٍّ تشوفه من غِناه محروم = وكم من فقيرٍ وعنده لك كنان وذرى
وكم واحدٍ تنصحه ومن النصيحة يقوم = وكم واحدٍ لا نصحته منك زعل وزرى
وأحيان عايش فرح وأحيان عايش هموم = وأحيان قبل البشر وأحيان نتقهقرى
ولا نسأل إلاّ عن أحوال الغلاة القروم = إللي ليا شبّت الهيجا ترد البرى
والناس فيهم حكيم وعارفٍ للسّلوم = وفيهم غشيم ولا قد باع وإلاّ شرى
يا طير ياللي على روس النوايف تحوم = ما شفت يا طير ويش إللي يصير وجرى
الفارس اللي يهزم القوم عاد مهزوم = وذيبٍ يجر العوى في الليل هج وسرى
وفي شذرة السيف صار الحد كلّه ثلوم = ومحدّب الهند عزّه راح وأصبح ورى
وهذا الزمان أختلف عندي وعند العموم = شيء رأيته وغيري من يشوف ويرى
فوالله لا أبغى محال ولا طلبت معدوم = ولا أطلب إلاّ التواصل بين كل الورى
وختامها ذكر من بأمره تهل الغيوم = وصلوا على من بعث والوحي جاه بحرى

وسلامة الجميع

أسأل الله لنا ولكم ولجميع إخواننا المسلمين التوفيق والسداد

في القول والعمل إنه هو السميع المجيب

وتقبلوا خالص تحيات أخوكم / ظافر بن وهيب

صح لسانك يابو عبدالعزيز
وبيض الله وجهك على هذه القصيده ارائعه

لا عدمناك ولا عدمنا تواجدك المميز
تقبل مروري ولك ودي وتقديري

وهذا الزمان أختلف عندي وعند العموم
شيء رأيته وغيري من يشوف ويـرى
فوالله لا أبغى محال ولا طلبـت معـدوم
ولا أطلب إلاّ التواصل بين كـل الـورى

صح لسانك يابو عبدالعزيز

وسلمت على هذه القصيده الجميله

التي تحكي واقع نعيشه

وتستاهل احلى تقييم على هذا الطرح

لك تحياتي

وفالك الطيب

صح لسانك يابو عبدالعزيز

قصيده رووووووعه

ودي وتقديري

اقتباس المشاركة الأصلية كتبت بواسطة ابن طلق صح لسانك يابو عبدالعزيز وبيض الله وجهك على هذه القصيده الرائعه لا عدمناك ولا عدمنا تواجدك المميز تقبل مروري ولك ودي وتقديري

أخي الغالي / إبن طلق

وفقك الله وسدد على طريق الخير خطاك

وبعد :

صح بدنك يا أبا الجازي

ووجهك أبيض وروعة القصيدة تتجلى بمرور المطاليق شرواك

من قال سالم وتميّز التواجد بإشادة الغانمين تاج فخر ووسام عز لأخيك

قبلك الله ورفع قدرك أيها الغالي والحبيب

أشكرك شكراً جزيلاً على هذه الإطلالة الرائعة رعاك الله

أسأل الله أن يوفقنا وإياك وجميع إخواننا المسلمين لما يحب ويرضى

من القول والعمل إنه هو السميع المجيب


وتقبل خالص تحياتي

اقتباس المشاركة الأصلية كتبت بواسطة الشاهين وهذا الزمان أختلف عندي وعند العموم شيء رأيته وغيري من يشوف ويـرى فوالله لا أبغى محال ولا طلبـت معـدوم ولا أطلب إلاّ التواصل بين كـل الـورى صح لسانك يابو عبدالعزيز وسلمت على هذه القصيده الجميله التي تحكي واقع نعيشه وتستاهل احلى تقييم على هذا الطرح لك تحياتي وفالك الطيب

أخي الغالي / الشاهين

وفقك الله وسدد على طريق الخير خطاك

وبعد :

صح بدنك يا أبا حاتم

من قال سالم وجمال القصيدة يظهر بمرور المطاليق شرواك وتعليقهم عليها

والواقع الكل يعيشه والكل يجد ما أجده وأُعانيه لذلك ترى أن القصيدة تحاكي الواقع

وفقك الله وجزاك خير الجزاء على هذا التقييم أخي الحبيب

ولك بالمثل من التحية والتقدير

وفالك أطيب وأطيب

أشكرك من الأعماق على هذا المرور والتعليق الرائع والمتميّز رعاك الله

أسأل الله أن يوفقنا وإياك وجميع إخواننا المسلمين لما يحب ويرضى

من القول والعمل إنه هو السميع المجيب


وتقبل خالص تحياتي

[/quote]

صح لسانك وبيض الله وجهك
دائماً مبدع

صح لسانك يابو عبدالعزيز
وبيض الله وجهك على هذه القصيده ارائعه
تحياتي واحترامي

صح لسانك ابو عبدالعزيز
قصيدة جزله من شاعر جزل
لا عدمناك ولا عدمنا ابداعك يا غالي
تقبل تحياتي وتقديري
دمت بحفظ الرب

الله الله يابو عزوز

صح لسانك علوومك يالذيب

اشوف هنا شيء جديد ما مر علي

بيض الله وجهك وماقصرت
دائما مبدع

ويعجز لساني عن التعبير

لكن بيض الله وجهك استاذي وابوي

وصديق غالي
ولي مشاركات معك بس كل شيء بوقته حلو