كرسي الطفولة*_*

اقتباس:
المشاركة الأصلية كتبت بواسطة علي الحريزي
هههههههههههههههه

طفوووله مثالية يابو الجازي

استمتعت بردودك الصريحة جدااااا

بيض الله وجهك



ووجهك أبيض اخوي علي الحريزي
شكرا لك على تعقيبك
دمت في رعاية الله وحفظه

/ ضعت في مكان؟ .. سوق او حديقه او كورنيش أو اي مكان.. اذا اي قولنا السالفه ..؟

ج/30
لم يحدث لي هذا الشي لاننا في قرية ولا نخرج منها الا في السنه حسنه
ونادرا جدا
لذلك وين اضيع
من كثر الحدائق والكورنيشات في قرية الشط مثلا

هههههههههههههه
الله يسعدك
يابو الجازي
اجابات رائعه

اقتباس:
المشاركة الأصلية كتبت بواسطة الساحل الشرقي
/ ضعت في مكان؟ .. سوق او حديقه او كورنيش أو اي مكان.. اذا اي قولنا السالفه ..؟

ج/30
لم يحدث لي هذا الشي لاننا في قرية ولا نخرج منها الا في السنه حسنه
ونادرا جدا
لذلك وين اضيع
من كثر الحدائق والكورنيشات في قرية الشط مثلا

هههههههههههههه
الله يسعدك
يابو الجازي
اجابات رائعه




ويسعدك يابو عبدالرحمن
اشكر مرورك وردك العذب
تحياتي لك

اختي

روووووووووووح

من زمان ماشفنا ضيف في الكرسي

فيه ناس لسى ماشفنا طفولتهم

ياليت تشوفين لنا كم ضيف

يشرفوا الكرسي ودي

وتقديري

احسنت ابا مهند

من جد كرسي الطفوله من زمان ماشفنا ضيف خفيف ظل

الاخت روح الله في اختيار ضيف جديد

دعواتي للجميع بالتوفيق

ابومهند

ابن طلق


منورين الموضوع مجدداً

لاعدمت هالطله

ودي وتقديري...

-
رحبوا معي بالعضو المميز


ضيف

كرسي الطفوله

هو الاخ العزيز


ناصر الشهراني



تعال ياأستاذ وعيشنا جو طفولتك



ولك فائق إحترامي وتقديري



وأطيب الأماني للجميع بقضاء وقت ممتع

مع

كرسي الطفولة...

بسم الله الرحمن الرحيم

بدايةً أشكر الأخت روح على الإستضافه وتوجيه الدعوه لي وأرجو أن أكون ضيف خفيف الظل على قلوبكم ....

•• الأسئلـــــهـ

1/ هل كنت مشاغب أوكنت على نياتك وهادئ؟؟

صراحةً كنت مشاغب وسط يعني ملقوف شوي لكن لقافه بشطاره

2/ هل كنت طفل مميّز عند شخص ما؟؟ يعني كنت أغلا البزراآآن

وإلا طفل عادي؟؟

طبعاً بحكم إني كنت آخر العنقود أظن إني كنت من عملاء التميز لدى العائله وياما دلعوني وياما عشت أيام حلوه لكن تم سحب البساط من تحتي وصار فيه غيري آخر العنقود ههههههه

3/موقف حصلّك وأنت صغير وللحين مأثر فيك؟؟

صراحة ما أتذكر بالضبط مواقف كثيره لأني إنسان أنسى كثير وأحمد الله على هالنعمه

4/ أكبر عيديّة آخذتها ..كم كآنت ..ومنْ من ؟؟؟ وش كان شعورك وقتها؟؟

أكبر عيديه لما كنا نروح للحديقه ههههههه مع أبوي الله يطول عمره تعرفون ماكان فيه إلا حديقتين ....

5/ من أقرب طفلـ/ـه كان/ت أقربلك؟؟ يعني مايضربك آو تضربك

ولا تهاآوشك ولآ يهآوشك؟؟

صراحة كلهم قريبين إلى قلبي وأفديهم بالحال والمال لكن أقرب واحد لي كان أخوي عبدالله ( ابن طلق ) الله يطول بعمره لأنه كان أكبر إخواني وما أذكر إنه ضربني في يوم من الأيام وما أنسى وقفاته معي في أصعب الظروف فكل الشكر له

6/ كم فلقة في رآسك؟؟

فلقه وحده إلا قل فلقات لكن أصعبها لما كنت حاط رجلي أطرد ورى واحد من عيال الجيران وكان قدامنا شبك ثلاثي وأنا ماانتبهت له وفجأه وقع الشبك في الرأس وعلى المستوصف ومبروك علي 5 غرز ولازالت آثار الجرح إلى يومنا هذا

7/ وش كانت عياآآرتك وانت صغير ؟؟

ياكثرها لكن خلوها بيني وبينكم هههههههههههه

8/ وش اكثر حلاوهـ كنت تحبهاا في طفولتك ؟؟

حلاوة الطحينيه وكنت انتظر أهلي ينامون وعلى الثلاجه دايركت ....

9/ ماهو مستوى الرجه اللي كنت فيها "مرتفع / متوسط / عادي" ؟

مابين المرتفع إلى المتوسط

10/ماهو ترتيبك بين اخوانك ؟ وهل هالشئ اثر في مسيرتك الطفوليه ؟؟

مثل ماقلت في البداية كنت أصغر إخواني لكن الحين فيه منافس هههههه وشي أكيد أثر علي لأنه كان عندي حصانه من الوالد والوالده الله يحفظهم يعني عدم تعرض من الآخرين هههههه

11/ ايش اكثر مكان كنت تحب تروح له ؟"ملاهي . حديقه ... الخ

بسبب عدم وجود ملاهي وقلة الحدائق فالمكان المفضل لدى الجميع طلعت البر وتسلق الجبال ومطاردة الضبان وغيرها من الترفيه القديم ههههه

12/ ايش اكثر لعبه كنت تحب تلعب فيهاا؟؟

كنت أحب ألعاب الكمبيوتر بداية من كمبيوتر العائله والسيقا والبلايستيشن ( سوني ) وأتحدى أي عضو يهزمني الحين ههههههه

13/ هل كنت تضرب والا تنضرب والا>> لاتهش ولاتنش ؟؟

ما كنت أبدى بالغلط أبداً لكن إذا أحد تجرأ فالعين بالعين والسن بالسن والبادي أظلم

14/ هل كنت تبكي كثير ؟؟

لا كنت قليل البكاء وكنت أكتم مافي صدري لأسباب خاصه وأتوقع هذا الشي أثر علي كثير في حياتي

15/ ايش اكثر فلم كرتوون كنت تحب تشووفه ؟وإذا ماكان فيه وش الشي أللي تحب تتسلى فيه؟

كنت أحب زورو وسلاحف النينجا زمان يافن لما كانت أفلام الكرتون أصليه

16/ من اكثر واحد من اخواانك كان قريب منك ؟؟ يعني اللي تحب تلعب معاه

بحكم فارق السن بيني وبين إخواني لأني كنت أصغرهم ماكنت ألعب معهم كثير بس ألعب مع عيال الحاره وبعض الأصدقاء من الحواري المجاوره

17/ موقف صار لك ولحد الحين اذا ذكرته تضحكك ؟؟

صراحة فيه موقف ما أنساه لما كنت في الأول الإبتدائي طلب منا مدرس التربيه البدنيه تكميله رياضيه طبعا وصيت أبوي وجاب لي ملابس رياضيه وكان فيها شورت ولما بدأت حصة الرياضه وشافوني المدرسين لابس الفنيله الرياضيه على الشورت صاروا يضحكون وأتذكر أن المدير طلب مني أرجع للفصل وألبس الثوب حفاظا على الذوق العام هههههه

18/ كنت تحب الحليب والا تشربه بالغصب؟

أكرهه إلى الحين لكن أجامل أحيانا

19/كنت شاطر بالمدرسة والا لا؟؟

أكيد كنت أطلع الأول دائما خصوصاً من أول ابتدائي إلى ثالث متوسط ولازلت أحتفظ بأكثر شهادات التفوق والإشعارات إلى اليوم

20/ كيف كانت طفولتك بأيامـ رمضان ؟كنت >>تصوم قدام اهلك ومن وراهم تفطر؟؟

كنت أصوم إلى الظهر وبعدها أفطر جهاراً نهاراً ههههههه وقدامهم بعد

21/استايلك وانت صغير..كيف كآن؟

عادي مثلي مثل غيري لكن كنت أحب أطلع دائما مرتب وملابسي تلق كبير ياحامد الغامدي هههههه

22/كلمه دآآيم على لسآنك وانت صغيرـ!!

أتعب أنا ههههههههههههه

23/هل هناك شخص كنت دايم تتبلى عليه يعني تسوي المصيبة وهو ينضرب ؟

لا حرام مايصير الظلم ظلمات

24/جريمة او مصيبة لـ هذا اليوم تذكرها و مستحيل تنساهاا ؟؟

اللي فات مات وحنا عيال اليوم وياما من مشاكل صارت لكن الحمد لله عدت على خير

25/ما هو اقوى عقاب تلقيته في طفولتك ؟؟

أتذكر لما كنت في ثاني ابتدائي ضربني معلم الصف انا واللي معي بعصا المكنسه بسبب مشاغبه في الفصل لكن الرجال الحين متوفي والله يرحمه ويسامحه دنيا وآخره
ولما كنت في ثاني متوسط انجلدت جلد الله لايوريكم بسبب إني متهم بإطلاق النكت والألقاب على بعض المدرسين

26/نشيد كنت تحبه أيام طفولتك؟

كنت أحب نشيد ( يايمين الخير يايمنى فهد ) نشيد خاص بالملك فهد بن عبدالعزيز رحمة الله عليه

27/ماهي الموآقف اللي عرضت فيه اهلك للاحراج؟؟

ماهي كثيره لكن منها كنت في المدرسه وكنت أستهبل على مدرس سوداني وعصب علي وصار يتكلم لكن رديت عليه وبعدها أخذت الشنطه وطلعت من المدرسه لكن أخوي عبدالله ماقصر راح للمدرسه ورجع المياه لمجاريها وصرت أحترم المدرس أكثر من أي واحد غيره تعرفون مابعد العداوه إلا المحبه ههههههه

28/اكثر موقف صدمك يوم انت صغير واثر عليك يوم كبرت ؟!..

يمكن زواج أبوي أثر علي لأني كنت أبيه يجلس معنا كل يوم ومايفارقنا يوم واحد لكن أهم شي راحته قبل كل شي

29/كيف كان اول يوم مدرسه لك بكيت ولا لا ..؟

ما أتذكر إني بكيت لأني كنت أحب المدرسه بجنون

30/ ضعت في مكان؟ .. سوق او حديقه او كورنيش أو اي مكان.. اذا اي قولنا السالفه ..؟

الحمد لله ماقد صارت هالمواقف

31/وشهي اجمل هديهـ خذتها في طفولتك...ومانسيتها ابد...؟!

الهدايا كثيره خصوصا من العائله لكن أجمل هديه أخذتها كانت يوم توزيع النتائج وأنا في الصف الخامس إبتدائي وكانت ساعة اليد الشخصيه لرائد صفنا الله يذكره بالخير ...

32/بصراحهـ من كنت تحب بطفولتك اكثر أمك ولا أبوك ـ....؟!

لا عاد تحرجونا كذا ههههههه كلهم والله أحبهم وأفديهم لكن وأنا صغير كنت أحب أبوي أكثر لأنه
ياخذني معه للدوام هههههه تعرفون الدنيا مصالح

33/في انسان معين تحس انك كرهتهـ في طفولتك وإذا فيه ليهـ...؟!

أتذكر واحد من الزملاء أيام أول متوسط كان في صف ب وانا في صف أ لكن طلع الأول على الفصلين وأنا الأول على فصلي والثاني على الفصلين وحقدت عليه جداً لكن الحين صار من أعز أصدقائي

34/متى هي المرة من المرات اللي حقدت فيها على اهلك وانت صغير

لما كانوا يقفلون التلفزيون أيام الإختبارات يالله يابطل المذاكره أهم قهر والله

\يعني...سوولك حركه قدام احد وانقهرت بقوة ؟؟

ما أتذكر حصل لي إحراج من أهلي قدام أحد

/لحقت تتابع/ين سبيستون ؟؟

سبيس تون قناه حديثة في الفضائيات لكن ياليت لحقنا عليها على أيامنا لأنهم كانوا كل سنه يعيدون أفلام كرتون السنه الماضيه تبي ولا وبكيفك

36/هـل كنت تغلط في نطق الحروف..؟

لا بالعكس والحمد لله ويمكن للإذاعه المدرسيه ومسابقات الإلقاء أثر كبير علي بعد الله سبحانه في التمكن من القراءه والكتابة الجيده

37/موقف سويته ..والى الحين مااحد يدري عنه ؟

كثيره والله لكن اسمحولي في عدم ذكر أي منها تعرفون السر إذا طلع من 2 مشكله هههههه

38/مين اعز صديق طفولة و الى الان متواصل معه>><؟

الحمد لله الأصدقاء كثر لكن أقربهم إلى قلبي الأخ محمد حسن باني الشهراني لأنه زميل دراسه من أول إبتدائي إلى أن تخرجنا من الكليه سوياً ثم التعيين بفضل الله وأتواصل معه بشكل مستمر وأسأل الله أن يجمعنا ويجمعكم مع من نحب ومع من تحبون يوم القيامه يوم لاينفع مال ولا بنون

39/ اذا عندكـ صوره لكـ وانت طفل اتمنى تحطها مع أجاباتك

عندي بعض الصور لكن ماهي في الجهاز والله وأبشروا بالعوض إن شاء الله




ختاماً أتمنى إني كنت ضيف خفيف الظل على قلوبكم واعذرونا على الإطاله

أقرب واحد لي كان أخوي عبدالله ( ابن طلق ) الله يطول بعمره لأنه كان أكبر إخواني وما أذكر إنه ضربني في يوم من الأيام وما أنسى وقفاته معي في أصعب الظروف فكل الشكر له


الله لايفرقكم

يارب

بو الجازي كبيرومواقفه رائعه مع الجميع

اخي ناصر امتعتنا بطفولتك الرائعه

اتمنى لك دوام التوفيق

اشكر الاخت روح

على الاختيار المميز

وننتظر ضيف جديد

ودي وتقديري

هههههههههههههههههههه


طفووووووووووووله خطيره


أهم شي كشخة الشورت

الأخ /ناصرالشهراني

بصرااااحه أشكرك لإستجابتك لدعوتي

وطفوووله أمتعتني بها

ادام الله عليك الصحة والعافيه والسعادة


لروحك الجوري وودي...