قصيدة ماردني عنه غير الدين والمله

ياشين وقتً حدى المشتاق عن خله
وقف بدربه وعاش الحب من دونه

انا اشهد ان الهوى للمهتوي عله
لاصار حظه تردى وخابت اظنونه

واللي سواتي يجر الصوت ويتله
ومن حر مابه يعض الغبن بسنونه

مغير اهوجس ودمعي دايم اهله
لامن لمحته وشفت الحب بعيونه

قريب مني ولكن مقدر آصله
مابيني وبينه الا امتار مضمونه

ماردني عنه غير الدين والمله
وعاداتنا اللي تضد العشق وجنونه

حسبي على الوقت محرم عيني الطله
وانا عيوني على لقياه مفتوووونه

ودي ابين مشاعر حب منهله
واشعاري اللي لها عامين مدفونه

واشكي له الحال من دقه ليا جله
واعلمه عن سهوم الحب وطعونه

واني بنيت المحبه والغلا كله
من قبل بالشال والبرقع يغطونه

ماهو بحبً جيوش الغدر تحتله
ولاهو بحبً ظروف الوقت يمحونه

حبً غلاته تعلت كل خلق الله
ساس الشرف مقصده والحب مضمونه

ويالله عسى الوقت يجمع خل مع خله
ويشفي كبودن لها عامين مغبووونه

الشاعر / يوسف بن سليم

الله يعطيك العافيه
لاهنت يا ابو عبدالله
تحياتي واحترامي

ينطيك العافية أبو وسن
تقبل مرورررررررررررررررري

الأخ العزيز / صقر بني منبه



يعجز اللسان عن الكلام تجاهك ولكنني أقول لك باختصار :







و










وتقبل فائق تقديري واحترامي ,,,

الأخ العزيز / قلم يكتب ألم



يعجز اللسان عن الكلام تجاهك ولكنني أقول لك باختصار :







و










وتقبل فائق تقديري واحترامي ,,,