القلب قلبك والمشاعر مشاعرك

القلب قلبك .. والمشاعر مشاعرك
اجرح وعذب يا حبيبي حلالك

غالي ولوتخطي على القلب عاذرك
سو الذي يرضيك واللي في بالك

خابرني ميت في غر***.. وخابرك
تموت في حب التملك .. وانا لك

ان كنت صاحي مع خيالك اسامرك
وان نمت في حلمي يجيني خيالك

يعني على كيفك وذوقك وخاطرك
اجيك انا كلي ... وكلي فدالك

اموت في غيضك وعقدة نواظرك
واموت في صدك واموت بوصالك

واموت في همسك ليا جيت احاورك
وفي دهشتك .. لاقلت ادور بدالك

واموت لاشع الضيا بأجمل صورك
واغيب معها .. وألتهي في جمالك

وتقول وش رايك؟ واقرب واشاورك
انت الله اعلم وش نهاية دلالك

وتضحك وتفرج بالسعاده سرايرك
وانا على ضحكة شفايفك.. هالك

ذوبتني مابين ملحك . . وسكرك
واهديتني قلبك..وروحك..وحالك

أقدر جهودك في حبي .. وأقدرك
وأسكنك بين الحنايا .. لحالك

ومني جزيل الشكر والقلب يشكرك
على سموك يالغضي .. وإكتمالك

سبحان من كمل وصوفك وصورك
وخلا مجالي يندمج في مجالك

إن غبت عني قمت اهوجس وادورك
وأنشد عن ديارك .. واجي وآعنالك

وإن جيتني برضاك .. ماجيت مجبرك
يا مرحبا ... والقلب فز ودعالك

بس انت تكفى دامني صرت رهن امرك..
إن غاب زولك .. لا يغيييب إتصالك

بيض الله وجهك
تقبل مروري

القلب قلبك .. والمشاعر مشاعرك
اجرح وعذب يا حبيبي حلالك
لبببببيه يالطرح لاهنت اخي الغالي
تشكرااااااتي
وودي وتقديري

ان غبت عني قمت اهوجس وادورك
وانشد عن ديااارك .. واجي واعنالك
صح لسانك والله يعطيك الف عافيه على هذا الابداع تقبل مروووري بكل ود واحترام

جميل ماطرحت اناملك اخوي الامبراطور
صح الله لسانك وبيض الله وجهك
تقبل مروري ولك ودي واحترامي

سلمت يداك علي القصيده الجميله
تحيـــــــــــــــــــــــــــــــاتي

رووووووووعة ..
وبيض الله وجهك يالغالي ..
لك مني اجمل تحية وتقدير ..
تقبل مروري المتواضع ..

الله يعطيك العافيه
لاهنت بيض الله وجهك
تقبل مروري واحترامي

بيض الله وجهكـ عل هذى الطرح الرائع والمميز
لكـ مني خالص الشـــــــــــــــكر والتقدير
تقبل مروري وتقديري

ربي يعطيك العافيه
تقبل مروري المتواضع
تحياتي وتقديري لك
مــــــــــــــتتع التوفيـــــــــــق