كثر الطواري

كثر الطواري

اسمع ترى الشكوى على خالق الكون
ولا على خلقه من الوقت شكوى

الوقت يبحث كل خافي ومكنون
ويعلمك بالكفو واللي مايسوى

وبعض العرب لله شاكر وممنون
والبعض منهم جد مافيه جدوى

كثر الطواري مع هل الود بالهون
صارت تضوينا على كل مضوى

الوقت لو هو زادني ضيق وطعون
جبرت نفسي غصب لو كان مقوى

لاصار بعض الناس بالحال يدرون
وتقول كيف الحال ياطير شلوى

واعزز بنفسي ..عساهم يصدون
مابي ..اوضح ..شي ...ثم اتبلوى

وشلون باقي بظمن انسان وشلون
واقرب قريب ان شاف زلتك يقوى

ماغير درب الصمت في وقتنا ايكون
و حسن التعامل يدخلك باب تقوى .

عثمان مبارك خويتم

صح الله لسانك يابو مبارك