يا دكتور العيون جعلك ماتهون

وقفـه مع الشآعر المبدع..
صآحب البيرق..

محمد بن فطيس المري

قصيدهـ وتصوير.. ولاأروع.. لانملك الا أن نقرأ.. ونثير علامآت التعجب...!

(يامؤمن الريفـي )انـا جيتـك **ون..

.. جيتك على مدح اكثر النـاس وعنيـت

جيـت وتعالـى الله عمّـا يشـركـون..

.. لولاه (يامؤمـن) لطبـك مـا اهتديـت

راضي بحكـم الله علـي مهمـا يكـون..

.. عالج عيوني لـو بعـد طبـك عميـت

ودي اخاشـر فالبصـر مـن يبصـرون..

.. واشوف دربي لا سرحـت ولا ضويـت

والى قنصت اثبت مـع اللـي يثبتـون..

.. واشوف طيري كل ما اوميت ودعيـت

ياااكثر ما يضرب خويـي (الطابلـون)..

.. من كثر مـا اكلّتـه مطبـاات وكليـت

وودي اشـوف اللـي علـي يعرضـون..

.. وبعض الليالي ودي اسـري دون ليـت

وااشوف نـاس ٍ فالقفـا مـا يرحمـون..

.. امـا وقفـت لصاحبـي والا مشـيـت

مـن دون نظـاره ولا هـم يحـزنـون..

.. يااا كثر ما **رت كشمـات وشريـت

لكـنٌ يـا دكتـور جعلـك مـا تهـون..

.. ابغيك كلمـت راس دامـك مـا بديـت

اسمع......ولا ابغي اللي وزانك يسمعون..

.. ربي كتب يكشف لك اسـراري وجيـت

صورة عديل الـروح عنـدك فالعيـون..!

.. واخاف تقطعها بموسك مـا وعيـت..!

ولا عليك امر..اطوهـا تحـت الجفـون..

.. وعقبه لو تقطع عيوني ما شكيـت...!

هي راس مالي والعـرب مـا يدركـون..

.. اني على باب الممـات و مـا حكيـت

ياقـو قلبـي يـوم قـفـن الضـعـون..

.. اللي علـى ذاك المـوادع مـا بكيـت

ويا صبر صبـري والعـواذل يحسبـون..

.. اني دلهـت مـن الهـوى والا سليـت

اسكت عساهم مـن سكاتـي يسكتـون..

.. وانا عن اللي في ضميري ما انتهيـت

وادور الفرحـه مـع اللـي يسهـرون..

.. وان ذكروني خـذت فنجـال وسريـت

اخذت من وقتـك يـا دكتـور العيـون..

.. عالج عيوني لـو بعـد طبـك عميـت

واستر علي واللـي معـك لا يفطنـون..

.. انت الوحيد اللي بعد ربـي دريـت..!

الله يعطيك ألف عافيه
سلمت وسلمت يمناك على هذا الطرح الرائع
دمت بود

يعطيك العافيه

صح لسان قايلها وتسلم يمين ناقلها

.. واخاف تقطعها بموسك مـا وعيـت..!



ولا عليك امر..اطوهـا تحـت الجفـون..



.. وعقبه لو تقطع عيوني ما شكيـت...!



هي راس مالي والعـرب مـا يدركـون..


صح لسانك ولسان قايلها
كلمات راقت لي
لاهنت ياغالي
وودي وتقديري

بيض الله وجهك
إختيارموفق
وذائقة رائعة

بيض الله وجهك
اشكرك على الاختيار الموفق
وعلى النقل الرائع

صرخة ، مطنوخة ، عبدالله التوبي ، ابو مهند ، الواهبي

نور متصفحي بمروركم العذب

اشكركم جزيل الشكر

وتقبلوا تحياتي

صح لسانك ولسان الشاعر
ودي واحترامي

صح لسانك ولسان قايلها
كلمات في قمة الورعه
لاهنت تقبل مروري

عبدالله المنبهي ، صقر

وجودكم بمتصفحي اظفى عليه الشئ الكثير

اشكركم على مرورررررررررررركم العذب

وتقبلوا احترامي