يا اعذب الاصوات

يا اعذب الاصوات

مرحبا يا اعذب الاصوات واغلاها
صوتها العذب مرسلته علشاني

والمشاعر ترحبه من اقصاها
من خفوقي ومن دمي وشرياني

كل كلمه تداعب حمرة شفاها
تمتلكني وتامرني وتنهاني

أنا وارضي وشعري من فداياها
حتى بحري ولولوي ومرجاني

وان كتبت القصيده في مزاياها
أتحدى حروف الشعر تعصاني

مير حتى قوافيها ومعناها
كل حرفٍ يسابقني على الثاني

وكل بيتٍ تثنى في محياها
يحمل اسمي وتاريخي وعنواني

وكل حرفٍ تلببها وخواها
عود جاوي وكمبودي وريحاني

والله اعلم ولولاها ولولاها
ما تحديت ظرف ولا تحداني

لين راحت وراح القلب وياها
قلب سلطان مير الحب سلطاني

حطته كنه الخاتم بيمناها
مثل خاتم نبي الله سليماني

كل طعنه من الغالين حياها
كد ذبحني غلاها العام وأحياني

كنت من حبها اكتبها ولا أقراها
مير ذالحين تكتبني وتقراني

في حياتي من أولها ليا أتلاها
مهرةٍ كنها من خيل جداني

كل ما وصفوها كنها اياها
بس هاذي بليا سرج واعناني

سرجها الليل لا انهل وتغرشاها
تفهقه عن جبين الصبح لا باني

وان نطحها الهوى والا تقفاها
قمت اغنيلها يا لاحي وليحاني

واسمعتني وقامت تقصر اخطاها
وازرقتني برمحٍ ما تعداني

واردفتله بخنجرها وشلفاها
وابتلتني يا ربي لا تبلاني


سلطان الهاجري

صح لسان الشاعر

وسلمت يداك لنقلك الرائع


ابيات جميله استمتعت بها


ودي وتقديري...

.صح نقلك ابو مهند وصح لسان الهاجري
قصيده قويه ومفردات جميله جداا
دمت كما تحب

ابو مهند لاهنت ابداع

اختبار موفق ورائع


وووووووووووودي

اقتباسالمشاركة الأصلية كتبت بواسطة رُوحْ .. ღصح لسان الشاعر

وسلمت يداك لنقلك الرائع


ابيات جميله استمتعت بها


ودي وتقديري...

منوره المتصفح

روووووووووح

لاعدمتك ولا عدمت مرورك العذب

تشكراتي

اقتباسالمشاركة الأصلية كتبت بواسطة علي الحريزي.صح نقلك ابو مهند وصح لسان الهاجري
قصيده قويه ومفردات جميله جداا
دمت كما تحب

الجميل مرورك

يالقطوع

لاهنت ياعليان

تشكراتي

اقتباسالمشاركة الأصلية كتبت بواسطة عبدالله التوبيابو مهند لاهنت ابداع

اختبار موفق ورائع


وووووووووووودي


هلا وغلا

بالبرنس

منور يابعدي

تشكراتي

والمشاعر ترحبه من اقصاها
من خفوقي ومن دمي وشرياني

تسلم ياغالي على هذا الطرح

يعطيك العافيه

دائما مبدع بانتقائك

صح لسان شاعرها

وسلمت يمينك ع النقل

لروووووووحك كل الود والسعاده

اقتباسالمشاركة الأصلية كتبت بواسطة عبدالله المنبهي

والمشاعر ترحبه من اقصاها

من خفوقي ومن دمي وشرياني

تسلم ياغالي على هذا الطرح

وانا بعد يابوسعيد

ارحبك من خفوقي ودمي وشرياني


منور يالغالي

لاعدمتك