الشيخ عمير .. ظافر بن وهيب

بسم الله الرحمن الرحيم

الحمد لله رب العالمين والصلاة والسلام على أشرف الأنبياء والمرسلين

سيدنا ونبينا محمد وعلى آله وصحابته أتم الصلاة وأفضل التسليم أما بعد :

هذه القصيدة بمناسبة زواج أبناء قبيلة الهملة قريش ودعوة الشيخ /

عمير بن عبدالرحمن الهميلي القرشي .. وفقه الله .. لنا وذلك في يوم الأحد

الموافق 7 / 10 / 1435هــ

والقصيدة تعبر عن نفسها .. آمل أن تنال إعجاب وإستحسان الجميع

وهي بعنوان : الشيخ عمير

يا الله ياللي تعلم الجهر والغيب = يا من قسمت الرزق بين العبادي
أحدٍ تعلاّ وأعتلا في المراقيب = تقول حرٍّ في نهار الهدادي
وأحدٍ يسد بلازمه مع الأصاحيب = يبغى الجميل وكسب ود العوادي
وأحدٍ كما السرحان في كسبه الطيب = راحت حياته كلبوها إجهادي
ودرب المراجل عسر بالحيل وصعيب = ولا كل طلاب يجيبه وكادي
ما يكسبه يكون راعي تجاريب = زعيم قوم وشيخ مثل المهادي
ولا سواة عمير راعي المواجيب = شيخٍ تعلاّ فوق روس المبادي
راعي كرم والقول لا قاله مصيب = وفي الموجبات عمير فوق الشدادي
ومن الغلا والقدر يرسل مناديب = وحنا نجاوب لا سمعنا المنادي
وفي شانكم يا قريش لا يمكن إنغيب = والشان هذا غير ما هوب عادي
فرسانه الستة توفّي المطاليب = واليوم يحسب ثالث في العيادي
الله يوفقهم به الولف والصيب = ويهديهم لدرب القدا والسدادي
ويجعل عملهم سالم إمن العذاريب = وأفكارهم وأشوارهم في الرشادي
وسلامة الحضّار شبّان والشيب = بإسمي وإسم شهران قولٍ وكادي
وصلوا عدد ما تبدي الشمس وتغيب= على شفيع الخلق يوم المعادي

وســــــلامتــــــكم

أسأل الله لنا ولكم ولجميع إخواننا المسلمين التوفيق والسداد في

القول والعمل إنه هو السميع المجيب

وتقبلوا خالص تحيات الشاعر / ظافر بن وهيب الواهبي الشهراني

صح لسانك يابو وهيب
شكرا لك على طرحك المميز
تقبل مروري