قصة زواج : دحيم العربجي وحصيصه المنسمه

السلام عليكم ورحمة الله وبركاته

جبت لكم موضوع مصرقع اتمنى يعجبكم وهو من بريدي

عرابجة لا يفوتكم 000 في أحد فيكم قد حضر عرس عرابجة 00

تعالوا نشووف دحيم المصرقع وش سواا

المواصفات :

الاسم / دحيم الدلخ

العمر / منولد في سنة الطفره

الشكل / قزم ودب واقرع و وجهه كله خدود ومافيه عيون

باختصار يحوم الكبد

الولد دحيم داشر 24 سااعه مشاكل وتفحيط وخرابيط

المهم ابوه قرر انه يزوجه يمكن يعقل الولد !!!! <<<< والله مافيه امل

ويقوم يخطب له ابوه بنت عمه حصه !!!

عاد حصه خبله مثله <<<<< يلعن ام الفله وافق شنن طبقه

المهم يوم جاء العرس ولا دحيم طالع مع اخوياه لثمامه يطعسون وابوه يدق عليه

الاب: الووو دحيم وينك؟

دحيم : هلا والله طالع مع الشباب لثمامه

الاب: جعل تطلع روحك بلا تعال اليوم عرسك !!

دحيم : طيب العرس في اليل يمديني ارجع المغرب

الاب: اقول امش جعلي امشي العصى على ظهرك

دحيم : طيب خلاص جاي

ويقفل التلفون

المهم ويجي دحيم ويلبسونه الخبل ناوي يروح بقميص نوم

المهم ويمسكونه اخوانه ويلبسونه ويودونه للقصر

>>>>>>> دحيم الى هالحين ما يدري وش السالفه يبي يخلص بسرعه عشان يلحق على العيال في الاستراحه يلعب بلوت

ويدخلون القصر ويجلسونه في المنصه وهو يقول ابي اروح اجلس عند القهوجيه ابي اتكي معهم واشرب شاهي ( والله منسم مررره)

ويلقطه اخوه ويجلسه على الكرسي

ويجونه الناس يسلمون

المعازيم : مبرووك منك المال ومنها العيال

دحيم : هلا ايه طيب يكون خير والله ما عندي ولا فلس

(قايل لكم موب وجه زواج)

المهم ويدخلونه على الحريم 00 يوم دخل 00 وهو الي يفتح كشرته ( ابتسامه عريضه)

ويناظر في ذا البنيات

المهم يوم طقو الطقاقات الا وهو يطمر ويرقص سامري

ويسحبه ابوه ويقول اركد لا تفشلنا!!!!

المهم ويجلسه على الكرسي

وتجي وحده ترقص عنده وهو الي يضحك عليها ويقول اوووووه ما تعرفين ترقصين يا الدبه

وانواع الاستهبال المشكله الي ترقص امه مسكينه تبي تفرح به ما درت انه ما يستاهل

المهم ويقومون البنيات يرقصون عنده وهو يناظر يقول عاشوا والله عاشوا

الا وابوه يصفقه على جبهته

دحيم :طيب خلاص ابنطم

المهم يوم خلصوا وهو ياخذ العروس ويركبون السياره

المهم ما درا الا تقوم حصيصه وتقول ما بغينا نطلع اقول ما عندك شريط كـسراات ( شعبي) بشير شنان يعني؟
ملينا من ذا الطقاقات ازعجوني

الا وهو ينبسط على حرمته خبله مثله

المهم وتقول له 00 حصيصه : دحيم ابسالك سؤال؟ دحيم: اسالي !!!!

حصيصه : انت الحين تعرف تفحط ؟؟؟

دحيم : اكيد انا احسن واحد يفحط ( مسوي فنان عندها وهو ما عنده ما عند جدتي)

حصيصه : والله ورني ابي اشوفك تفحط 00 دحيم ( توهق)

دحيم : خليها بعدين موب اليوم ( يبي يصرف)

حصيصه : افا شكلك ما تعرف هههههههههههاي <<<< والله زاحفه البنت

دحيم : اوريك من الي ما يعرف 00

وهو الي يلف هذيك الفه وطراااااخ في الماصوره على طول

والحين حصيصه ودحيم في الشميسي الدور الاول غرفه 302 ,,

الله يشافيهم

سلملم

هههههههههههههههههههههههههههههه
هههههههههههههههههههههههههههههه
وافق شن طبقة
بوعابد
أتحفتنا بهذه القصة
مروري بكل إحترام

هههههههههههههههههههههااااي
حلوه الدبى أللي ماتعرف ترقص ^_^
من جد منسمين
يعطيك العافيه..
دمت بووود..

هههههههههههههههههههههههههههههههه شر البلية ما يضحك

هههههههههههههههههههههههههههههههههههههههههههههههههه ههه

يوم طلع للثمامه يوم زواجه شي مضحك << ذكرني بواحد من الشباب

وافق شن طبقه خبل وطاح في خبله بس تحلو حياتهم كذا

يعطيك العافيه يابو فيصل

تقبل مروري وتحياتي

ابو مهند
ررروح
المستشار
ابن سيف

اشكركم جميعا على مروركم العذب والجميل

هههههههههه

هذا الزحف لا قالولك زحف

ومشكور يا عبدالاله

ولاتحرمنا من جديدك

اشكرك اخوي السامي على مرورك العطر والعذب

ام الزحف ياشيخ
هههههههههههههههههههههههههههه
مابغينى نطلع لا وشريط **رات
ام الفله
تشكرك اخوي عبدالله
دمت بود

اقتباس:
المشاركة الأصلية كتبت بواسطة سيف بني منبه
ام الزحف ياشيخ
هههههههههههههههههههههههههههه
مابغينى نطلع لا وشريط **رات
ام الفله
تشكرك اخوي عبدالله
دمت بود



اشكرك ياغالي على مرورك العذب