أبن هندي والجبيراني

في يوم الاحد تاريخ21/8/1422ه وصل الى الشاعر ناصر بن عايض بن هندي
هديه من سعادة العقيد الشيخ/حسن بن علي ابن العميا الحتارشه

فجادت قريحة الشاعر ناصر بن عايض بن هندي بهذه الابيات:

الله من فكر لعسـر المثـل شـط

عسر المثل بالشعـر طبعـه وفنـه

الشعـر لامنـي قربتـه تحـنـط

لاجل الرجـال العاقلـه يسمعنـه

شعراُ نصوغه صوغ والعارض اشمط

والشيب من جور السنين اشمطنـه

البارحه هاجوس قلبـي تحطحـط

واونست من بيـن المعاليـق دنـه

دنه بها جوهر ضميـري تنشـط

حتى طلع له بين الاضـلاع حنـه

اسباب مكتوب وعفـش مربـط

من صوب شهران العريضه معنـه

عناه شيخ في طويل الحجـا نـط

غالـي حلالـه يرخصـه مايمنـه

شيخ على درب الجمايل مسلـط

درب المراجـل كايـد واعسفنـه

اهدى علينا حاجـة مالهـا غـط

وقلبيمعاريـف الرجـال الزمنـه

البن الاشقـر والبهـار المخلـط

جانا مضنـه حيهـا مـن مظنـه

من سوق خولان على الشيل والحط

نهـار حاشـد لصـرام اصرمنـه

شالوه في جيب كما السرح الامعط

وجابه حسن يوم الجيوب اجلبنـه

كنه مخاليب القطاء اللي مشخـط

باللـون والا الشكـل مايشبهنـه

شراه ثم اهداه مـن دون مشـرط

الاطموحـه للجميـل ادفعـنـه

كيف لعطران الشـوارب يقلـط

مهديه شيخ جايبـه مـن مغنـه

بجادي لا الجاء الكـلام المفقـط

والطيب كايد والبجـادي يعنـه

وصلاة ربي عد مافي الورق خـط

على محمد نـور شرعـاُ وسنـه