رائعة جديدة للشاعر مبارك الشهراني

تدري وش اللي فيك ماهــو بمقبول
........... انك تحـــاول تشغــل النــاس عني
...
وما تدري انك عن خطاياك مسئول
........... ولاعـــاد ينفعــــك النـــدم والتمني

اشــغلتني وانـــا مــن الــهم مشغول
........... وش فيك من بين العـرب ممتحني

تقول فـي الاجـــواد وتـــقول وتقول
........... وانـــا بـــري مـــن زلتك والتجني

ياهيـــه يــاهــذا ويـــاذا ويـــــازول
...........مدري وش اللي جـاك خيبت ظني

ان كان طافك سر هــرجي وماقول
........... انت الضحيه ما حصـل شـي مني

واللي فهم مغزا القصيده على طول
........... نرفع لــه الــرايه وبســــمه نغني

وسلامتكم
ابو خااااالد

صح الله لسان مبارك الشهراني دائم مبدع اشبهه بصراف ذهب لن كل قصايدك درر وانا يعلم الله دائم اتشوق لها . ولاهنت يالشاهين على هذا الاختيار الموفق .وتقبل مروري

صح لسانه ولسانك يا ابو عبدالعزيز
لاهنت بيض الله وجهك
تحياتي واحترامي

صح لسانك
وبيض الله وجهك
دمت بود