صوت وصدى بين البجادي والجابري ... ظافر بن وهيب

بسم الله الرحمن الرحيم

الحمد لله رب العالمين والصلاة والسلام على أشرف الأنبياء والمرسلين

سيدنا ونبينا محمد وعلى آله وصحابته أتم الصلاة وأفضل التسليم أما بعد :

هذه القصائد مرسلة لي عبر الجوال من أخي الشاعر الكبير /

محمد بن مبارك بن عمرة الجابري القحطاني وفقه الله ورعاه

وهي عبارة عن بدع مرسل من الشاعر / سعد بن عبشان البجادي بعد مشاهدته

للشاعر الكبير / محمد عمرة الجابري في أحدى القنوات الشعبية ورد منه على البدع

والقصائد جزلة وتعبر عن مضمونها .. آمل أن تنال إعجاب وإستحسان الجميع

وهي بعنوان : صوت وصدى بين البجادي والجابري

يقول سعد بن عبشان

سلام كنبود عود فاح نشناشه = يليق بك يا محمد عبر الإعلامي
إتعيش يا شاعر شفتك على الشاشه = ذكرتني اللي مضى من حلو الأيامي
أبدعت في رغبة الجمهور وإنعاشه = وأتحفتنا من رصيدٍ مُتْحَفٍ سامي
هامتك للمرجلة والطيب شوّاشه = وتتعب لشان الخوي وتسج الأقدامي
يوم الردي عايشٍ في مملكة لاشه = ولا درى إن الزمن للناس مادامي
ما كل من هام شعرن هاضبه جاشه = إلاّ أنت ياللي تحطم كل الأرقامي
الله يعدّيك ظيم الدهر وأبلاشه = ويحقق الله طموحاتك والأحلامي

فرد عليه أبو هلال وقال

من مدلهمٍّ نصوبه جات رشّاشه = في النوّه اللي رعدها له ترزّامي
برّاقها يشبه التصوير وفلاشه = في البيت الأبيض ليا زاروه حكّامي
حيا الله اللي مراويحه ومغباشه = الطير من دونها يتعب ليا حامي
وإن شاف صيد من القنّاص منحاشه = ياتي بها لو رماها والله الرامي
وإن جيت تبغى لحاف الطيب وفراشه = دوّر وتلقى حبوسن تروي الضامي
دعوا البجادي نهار الهوش هواشه = من صلب شهران قومٍ سوقهم حامي
ياللي مشاعرك بالتعبير جيّاشه = ذكّرتني يا سعد في ماضي أعوامي
الدهر يومين للصعلوك والباشه = كلن من الوقت لحقه فطر وصيامي
يومٍ ورى فوهت المدفع ونتّاشه = سحابة العج من خلفي وقدّامي
واليوم الآخر نعيشه مثل من عاشه = ماني وحيد العنى في الشرق والشامي
واللي يحوش الردا والطيب ما حاشه = بيني وبينه عداوة كفر وإسلامي

وســلامـــة الجميـــع

أسأل الله لنا ولكم ولجميع إخواننا المسلمين التوفيق والسداد في

القول والعمل إنه هو السميع المجيب

وتقبلوا خالص تحيات الشاعرين الكريمين

وتحيات أخوكم الشاعر/ ظافر بن وهيب الحليسي الشهراني