انا هواي ورغبتي شبت النار

انا هواي ورغبتي شبت النار= ودلال رسلان (ن) عليها مباهير
ونا هواي اسجٌ لاجات لمطار= في ديرة (ن) باقي بردها مزابير
ونا هواي ورغبتي شوف لشجار = قدام عيني وارفات (ن) مخاضير
ونا هواي اسمع تغاريد لطيار = احب لي من صوت عزف المزامير
ونا هواي ورغبتي نظم لشعار = وفرح ليا قابلت ناس (ن) شعاعير
ونا هواي ورغبتي كثر لسفار = واخاوي اصحاب الوجيه المسافير
خوٌة هل العليا طويلين لشبار = الذ وحلا من حليب المصاغير
ونا هواي ادوج مع كل صقار = في بطن قاع (ن) ما وطاه الدواوير
ونا هواي اشوف صقري ليا طار = اخلاف خرب من الشحم ياالله يطير
ونا هواي اغبش مغابيش لحرار = في تختخ (ن) مافيه حس المواطير
ناكل لحم صيد (ن) بعد دمها حار = ماياكل الا من غصون (ن) مزاهير
اخير عندي من ملايين تجار = اللي اجمعوها مالكين الدنانير
الشاعر/ ابن شوكان

سبع الليل
صح لسانك قصيده جميله وجزله
تقبل مروري واحترامي

ونعم
صح لسانك قصيده جميله
تحياتي واحترامي

صح لسانك اخوي

قصيده رائعه

من شاعر رائع ومتمكن

ونا هواي اشوف صقري ليا طـار ** اخلاف خرب من الشحم ياالله يطير
ونا هواي اغبش مغابيش لحـرار ** في تختخ (ن) مافيه حس المواطير
ناكل لحم صيد (ن) بعد دمها حار ** ماياكل الا من غصون (ن) مزاهير
اخير عندي مـن ملاييـن تجـا ** راللي اجمعوهـا مالكيـن الدنانيـر

صح لسانك ياسبع الليل

كلمات تكتب بماء الذهب لاهنت يالغالي

تقبل تحياتي

وفالك الطيب

اقترن الابداع بالتميّز في هذه الابيات

تحياتي وتقديري...

صحّ لسانك

روعة تسلم اخوي

سبع الليل

يعطيك العافية على القصيدة الجميله

تحياتي وتقديري

قصيدة رائعة

بيض الله وجهك

والله يعطيك ألف عافية

-- تحياتي --