ياهيــــــه أهداء خاااااااااص

بسم الله الرحمن الرحيم

ياهيه
ياهيه التفت لي واسمع دعاي لك ياهيه
ترا عادك بتشبع من البعد وتواجه
دعيتك بصوتن ياصلك ليه ماتوحيه
وانا اسمع ضلوعك من صدى الصوت لجاجه
عليك الفواد اخلاج مصمّخ راعيه
خاف الله في راعيه ماتسمع اخلاجه
ترا العفو قد جاك اوّله واغتنم تاليه
وترا الحلم بحرٍ غير لاتامن امواجه
وترا الود ليلٍ مظلمٍ جيت لك ساريه
سراجه وصالك والجفا ينفخ اسراجه
وترا قصرْنا اللي كم سنه نجمع ونبنيه
هوى العذل طيح بابه العود وسياجه
لي ايام مدري وين دارك ولا ادري ليه
وانا خابر إني باب شفك ومزلاجه
غياب بلا سبه .. هجاد بلا تنبيه
وجفا العرب نار على الكبد وهاجه
نضج قلبي من البعد وشحاجتك تكويه
جفاك الجمر والصبر في بعدك الصاجه
وطبع حبك بقلبي والايام ماتمحيه
هذا هجرك يحاول يموجه ولاماجه
يموت الامل لكن ظنون الغلا تحييه
عروق الوفا ف الروح والقلب وجاجه
خبرتوا حدن يبكي على واحد يبكيه
وخبرتوا حدن مسجون ميابغي فراجه
احبه ولاابغضته على شي يسويه
ولازالت رقاب الرجا فيه منعاجه
عسى منزل ظمه حقوق الوسم تسقيه
وتضحك له الدنيا وهو يضحك احجاجه
فقد خاطري شي من الضيقة مسليه
وغدت روحي من الناس والليل هجاجه
اروح لمكان خابره خابره ياتيه
اسوق القدم صوبه وهي مالها حاجه
مكان نزيه واول مواجهيله فيه
وانا خابرن مارجل مثله بدواجه
لعل وعسى ماحدني للمجي يدعيه
واشوفه وانا ماودي اسبب احراجه
يحب الجريح اخر دروب اللقا ويجيه
وتحب القدم جيه مكان اول مواجه

الله يبيض وجهك على هذى الابيات الرائعه
مع تمنياتي لك بالتوفيق والسدااااد
تقبل مروري وتقديري

يموت الامل لكن ظنون الغلا تحييه
عروق الوفا ف الروح والقلب وجاجه

سلمت ياخوي


وبيض الله وجهك



ولا خلا ولا عدم



تقبل تقديري واحترامي



وفالك الطيب

فقد خاطري شي من الضيقة مسليه
وغدت روحي من الناس والليل هجاجه


الله يعطيك العااافية على هذه الراااائعة وتسلم يمينك

وتقبل ودي واحترامي وتحياااااتي

فقد خاطري شي من الضيقة مسليه
وغدت روحي من الناس والليل هجاجه

لاهنت بيض الله وجهك

قصيده جميله

اعتقد ان القصيده للشاعر

ابن فطيس المري

بيض الله وجهك لاهنت
تقبل مروري

اقتباس:
المشاركة الأصلية كتبت بواسطة الساحل الشرقي
الله يبيض وجهك على هذى الابيات الرائعه
مع تمنياتي لك بالتوفيق والسدااااد
تقبل مروري وتقديري



اشكرك علي مرورك اخوي ابوعبدالرحمن

اقتباس:
المشاركة الأصلية كتبت بواسطة الشاهين

يموت الامل لكن ظنون الغلا تحييه

عروق الوفا ف الروح والقلب وجاجه

سلمت ياخوي

وبيض الله وجهك

ولا خلا ولا عدم

تقبل تقديري واحترامي

وفالك الطيب

ومن قال يسلم ودي واحترامي

اقتباس:
المشاركة الأصلية كتبت بواسطة شـــــقـــــاوي
فقد خاطري شي من الضيقة مسليه
وغدت روحي من الناس والليل هجاجه


الله يعطيك العااافية على هذه الراااائعة وتسلم يمينك

وتقبل ودي واحترامي وتحياااااتي



الله يعافيك ياشقاوي

اقتباس:
المشاركة الأصلية كتبت بواسطة عزوز الشاهين
فقد خاطري شي من الضيقة مسليه
وغدت روحي من الناس والليل هجاجه

لاهنت بيض الله وجهك

قصيده جميله

اعتقد ان القصيده للشاعر

ابن فطيس المري



يمكن لاهنت علي مرورك الذي اسعدني