الله يجملني

الله يجملني


كم خاطرن ماتت حلومه وﻵمال
والناس في ذم الخلايق كريمه

وحنا على حسن النباء الوان واشكال
ياكم عنينا من جروحن اليمه

مانعرف الوجهه ولا نعرف خبال
وهقواتنا وقت الهقاوي عظيمه

مانقبل الذله ولانحسب المال
شرف الخواطر ماتعرف الهزيمه

يابريحالي من عنا الوقت لامال
وعشنا عقب عز الليالي ظليمه

والكون كله في مجي الغيب جهال
ومافيه شخصن قال روحه سليمه

الله يجملني مع كل جمال
والله يجعلني من اهل العزيمه

لو يشتكي الضيقه خفا كل رجال
عاش إبزمانه والعواقب وخيمه

لاخير في وقتن منازيله إرحال
خلاء غريم الشوق يبلاء غريمه .

قصيده رائعه
صح لسانك يابو مبارك
شكرا لك على طرحك المميز
تقبل مروري ولك تحياتي