لبيه يا بيشه

لبيه يا بيشه

بالله ياللي صوب بيشه تمرون = ودو الخبر عني سلام وتحيه
للي غلاهم صورته قلب وعيون = لاهاض هلت مثل هل الرفيه
تخيل فالمنشاء مناصيب ومزون = حن الرواعد مثل حن المطيه
لبيه يابيشه على ساير الكون = يالديره اللي حبها اركا عليه
لاجيت بنجز لي شغل لاتحاكون = اخذ معي من حب هلها وصيه
اهيم في بيشه وهم مايحنون = وقت الهيام اللي زاد القلب كيه
حزات احس إني من الضيق مسكون = مغير ارتب قاف شعري بزيه
هجوس صدري لالفتني على الهون = عاملتها رسمي وفالعسكريه
آمن طريق للمسافر وبالهون = بين الرياض وبين ابهاء البهيه
سرعان مابانت هجوسي على لون = تقضي مداياها على الاوضحيه
لاجيت مع مفرق هل الدار ماعون = شليت بعلا الصوت والنار حيه
ياليتني في ديرتي ياهل العون = دارن معالمها الكرم والحميه

عثمان مبارك خويتم النجود

صح لسانك يابو مبارك
والى الامام في ابداعك تقبل تحياتي

صح لسانك يابو مبارك
وان شاء تنقل بيشة
ويتحقق مرادك


تقبل مروري

صح لسانك يابو مبارك
وان شاء تنقل بيشة
ويتحقق مرادك


تقبل مروري

لاهنت بيض الله وجهك
والله يعطيك العافيه
تحياتي واحترامي