نصيحة

ابيات اعجبتني وحبيت انقلها لكم :

ثنتين يعطونّك معزه و تقدير
دينك و فعل البر في والدينك،،

و ثنتين منهن يكثرون المخاسير
درب الضياع و صحبةٍ ما تعينك،،

و ثنتين عنهن ما تجوز المعاذير
سترك لاهل بيتك و مكسب يمينك؟؟

و ثنتين لو طال الزمن ما بهن خير
هرج القفا و مجاملة من يهينك،،

و ثنتين يطلقن الوجيه المسافير
ترديد ترحيبك و ضحكة جبينك،،

و ثنتين يسوون التعب و المشاوير
مواصل ارحامك و فزعة قرينك،،

و ثنتين نار و عار معنى و تفسير
ترضى الخنا و تخون مستامنينك،،

و ثنتين لا تقبل بهن الاشاوير
الجار و الصاحب ليا قال وينك.؟

و ثنتين يشرن بالذهب و الدنانير
حشمة ابن عمك و نصرة عوينك،،

و ثنتين جنبهن و احذرك تحذير
فعلٍ يشنّع بك و هرجٍ يدينك ,,

وسلامتكم ...

يعطيك الف عـــــــــــــــــــافيه
صح لسان قايلهــــــــــــا
وسلمت يمينك ع النقل
اختيار مميز كـــــ تميزك
تحياتي

بيض الله وجهك

والله يعطيك ألف عافيه


سلمت أناملك


-- تحياتي --

موضوع جميل

يعطيك العافيه

ودي وتقديري