ان حضرنا بانتجمل وجملنا لحانا

نذكر الله في نهاية الامور ومبتدانا =جلّ شانه خالقٍ خلقه الواحد الاحد
بعدها يامرحبا بالضيوف ومن لفانا=عدّ ودّانٍ نصوبه تقفاها برد
مرحبا يامن لفا من محبتنا وجانا=مرحبا باسم القبيله ونايبها حمد
وارحبوا ثمّ ارحبوا ياصدقانا وزملانا=قلتها باسمي نيابه عن الرايد سعد
ماخفى في داخل القلب ينطقه اللسانا=من فرح وسرور والا معاداه ونكد
فياقصيدي يوم شديت لارضاك العنانا=مدّ لي يمناك وآشدّها ولاترد
لان قصايدنا وسايل توصّل مبتغانا= والسعد يوم اجتمعنا وياليل السعد
دافع الشيمه على الشيمه العليا حدانا=ومن معه شيمه وغيره على القمه صعد
ان حضرنا بانتجمل وجملنا لحانا=لاحتمى الميدان والشعر في بدعٍ ورد
ونستشير القدوه العارفين من اشورانا=ما علينا منك يامن حدر والا سند
والنظر قدام قدام مايرجع ورانا= ميزةٍ فالعود الاول توصى ابها الولد
ونتجاوز بعض الاشياء ولانرضى الهوانا=وان حضرنا فالصعيبات حلّينا العقد
تربية عودٍ محنّك على القاله ربانا=جعل عينٍ ماتطيقه يطاولها الرمد
وان شنانا واحدٍ قلت يا جعلك فدانا=يكفي انا لاحضرنا شف امثالك تصد
ويترك العزوه رديٍّ تعزوى في قفانا = لاعتزيت وقلت ويش انت؟ وانا اخّو سعد

والله ونعم يابوجمعان

راعي جميله دايم

صح لسانك

ولا تحرمنا ابداعك

ودي وتقديري

صح لسانك بوجمعان

وبيض الله وجهك

تقبل تحياتي واحترامي

هلا والله بمشعل وبقصائده الرائعه

اسعدتني كثيرا هذه القصيده وسرتني كثيرا

كانت قصيدة الامسيه على الاطلاق فتقبل شكري وامتناني على هذه القصيده الجزله الجميله


الله يوفقك ويسدد خطاك واتمنى لك السداد يابو جمعان

صح لسانك يابوجمعان
قصيد رائعه
الله يعطيك العافيه
تحياتي واحترامي

تربية عودٍ محنّك على القاله ربانا


جعل عينٍ ماتطيقه يطاولها الرمد


وان شنانا واحدٍ قلت يا جعلك فدانا


يكفي انا لاحضرنا شف امثالك تصد


ويترك العزوه رديٍّ تعزوى في قفانا


لاعتزيت وقلت ويش انت؟ وانا اخّو سعد




سلمت يابو جمعان لافظ فوك يالغالي

تسلم ياخو سعد

ويسلم عود رباك

راك على الطيب والجزاله

ولاهي غريبه عليكم

لكم تحياتي

وفالك الطيب

صح لسانك

وبيض الله وجهك

والله يعطيك ألف عافية

-- تحياتي --