بعض البشر

بعض البشر كنه على الكبد سكين ***** وبعض البشر شوفه يزيد الهمومي

وبعض البشر لا شفته تقول مسكين ***** يضحك عليك وتقول هذا رحومي

وبعض البشر لو يقصر الثوب به دين***** ولا يغرك اللي قاصرين الهدومي

ياكثرهم لا قلت هم الحبيـبين***** ويا قلهم لا صـار عندك لزومي

تلقى هالخـوه تراهم قليلين***** تنصاه لا ضاقة وتلقى القرومي

الوقت هذا صار وقت البخيلين***** وقت الحصاني والعفن والرخومي

وبعض البشر يشفق على قول نعمين***** وبعض البشر يزيد همك همومي

وبعض البشر نشفق وتشفق له العين***** مثل السماء يشفق بضو النجومي

وبعض البشر لو غاب عني بيومين***** كني طريح فراش مقدر اقومي

وبعض البشر لو غاب عني بعامين***** ياليت لي جنحان واقدر احومي

وبعض البشر لو مات تبكي له العين***** وتقول يالله رحمتك يالرحومي

الوقت هذا به ناسن خبيثين ***** لو حج بيت الله وشفته يصومي

حتى يهود الغرب ماهم حقودين ***** ماعندهم هالنقنـقه والعـلومي

والحسد بقلوب العرب والعريبين ***** والارض جفة والسماء به غيومي

وصلاة ربي عد ما قالو آمين***** على النبي وإعداد طيرن يحومي


وسلامتكم ..منقوول

أبيات رائعه صح الله لسان الشاعر ونقل موفق أخت همسه تحياتي

اشكر مرورك

صح لسانك ولسان قائلها
الله يعطيك العافيه
تحياتي واحترامي