درر بن جدلان

سعد بن جدلان الاكلبي


تدري وش اللي يصدم الرجال في بعض اخوياه

وجودهم في النايبـات الملزمـه مثـل عدمـه

وتدري وش اللي يقهر الرجـال ويبيـن خفـاه

اليا بغى المحـزم ولا عيـن ذخايـر محزمـه

من غير ربعٍ ينقلون الحمل جعل امحـق حيـاه

امحق حياه توجع الرجـال غصـب وتلزمـه

وين الرفيق اللي إليا ابطى صاحبه يومين جاه

يفرح اليا شافـه وياقـف لاتضايـق وزهمـه

لايارفيقي والرفيق إلـيا خطـا يدمـح خطـاه

ماهو يدور زلـه الصاحـب وعثـرات قدمه

ياصاحبي والطيب لاهل الطيب مايخفـى نبـاه

الطيب للطيـب بلـد محكـوم والذكـر علمـه

وش لي برفقه واحـدٍ لاحتجـت لقانـي قفـاه

بلسانه ابشر باالسعد عونك.. وبا الفعل رخمـه

من غير ربعٍ ينقلون الحمل جعل امحـق حيـاه

امحق حياه توجع الرجـال غصـب وتلزمـه


صح لسان الشاعر ولاهنت يالطيب على النقل الرائع

تقبل مروري وشكري

وش لي برفقه واحـدٍ لاحتجـت لقانـي قفـاه

بلسانه ابشر باالسعد عونك.. وبا الفعل رخمـه



ابو النشاما
اهنيك على حسن الاختيار
قصيده رائعه من روائع ابن جدلان

اشكرك على طرحك الراقي
تقبل مروري

اشكرك على الطرح الجميل
تقبل مروري
تحياتي

الله يعطيك العافيه
لاهنت بيض الله وجهك
تحياتي واحترامي