وجودي واناعبر البحر فوق عباره

وجودي واناعبر البحر فوق عباره = على واحد(ن) مافيه قبله ولابعده
ذكرته وانا ابادل ايديني على الطاره= بدار (ن) خلا والخاطر اضيق من الدبله
هاذي دار ابوه ودار جده وذي داره = سقى الله ليالي عنتر العبسي معا عبله
عليه العيون من اول الصيف مدراره= سحاب ترايع مقدمه وانتثر وبله
سهج كل روض وقام يزعج على جاره= الين التوى غضن الخزامى على الربله
ضلوعي على ساعة مجيه ومسياره = تغني له العرضه وتضرب له الطبله
وهو من سحاه يعود من نصف مشواره= وهل بيته تراقب مجيه وترقب له
يخافون تلتقطه من الجب سيــــــــاره = على ماعطاه الله من الملح والقبله
وانا ماني بواحد وقبل اسمه اعبـاره = يسكر منافذ نادي الخيل واصطبله
وانا شاعر ماختار حظه ولااختاره = سواة البشر يكتب لغيره ويكتب له
احبه واعرف ان سلطة الحب جباره= تجيه العرب صاحين وتروح منهبله
ابرجيه حتى يبلع الوادي اشجاره = وتزيل الجبال وتشرق الشمس من قبله
وجودي لو اني بين يمناه ويساره = وجود بدوي (ن)حالوا القوم دون ابله
على الوجه الابيض والنقا لعـنبواالباره= الاواهني من لف حبله على حبله
تصد النفوس اللي من الشين نفاره = مثل صدة الطيب عن الكلمه الخبله

مدغم ابو شيبه

بيض الله وجهك يابو مهند على هالاختيار الرائع اللي دائم اتشوق له وغيره من القصايد الجزله .
وصح لسان مدغم .
وتقبل شكري وتقديري .

اقتباس:
المشاركة الأصلية كتبت بواسطة حبيب بن مهابه
بيض الله وجهك يابو مهند على هالاختيار الرائع اللي دائم اتشوق له وغيره من القصايد الجزله .

وصح لسان مدغم .

وتقبل شكري وتقديري .
وجهك ابيض ياحبيب
هدفنا إرضاء ذائقة الجميع
بكل ماهوجميل ومفيد

لاهنت على مرورك

احبه واعرف ان سلطة الحب جباره= تجيه العرب صاحين وتروح منهبله
ابرجيه حتى يبلع الوادي اشجاره = وتزيل الجبال وتشرق الشمس من قبله


صح لسان المبدع مدغم ابو شيبه
وصح لسانك يابو مهند
لاهنت على الإنتقاء الرائع
وماقصرت وبإنتظار القادم
مع وااافر الإحترام

اقتباس:
المشاركة الأصلية كتبت بواسطة صرخة أنثى

احبه واعرف ان سلطة الحب جباره= تجيه العرب صاحين وتروح منهبله

ابرجيه حتى يبلع الوادي اشجاره = وتزيل الجبال وتشرق الشمس من قبله

صح لسان المبدع مدغم ابو شيبه
وصح لسانك يابو مهند
لاهنت على الإنتقاء الرائع
وماقصرت وبإنتظار القادم
مع وااافر الإحترام
هلا وغلا
مرورك اسعدني
دمت في الوجود

ابو مهند
بيض الله وجهك
على هذا الاختيار الرائع
تحياتي
لشخصك الغالي

قصيدة رائعه
لاهنت بيض الله وجهك
تحياتي واحترامي

الواهبي
صقر
مروركم متصفحي
يزيده تألقاً

صح لسانك يابو مهند
والله يعطيك العافيه
على النقل الرائع
تقبل مروري

على الوجه الابيض والنقا لعـنبواالباره= الاواهني من لف حبله على حبله
تصد النفوس اللي من الشين نفاره = مثل صدة الطيب عن الكلمه الخبله


تحياتي وتقديري للمبدع والمتميز
طرح رائع وقصيده ممتازه للشاعر مدغم بو شيبه



سلمت
وفالك الطيب